Dem - Keith's very own 'Grealish'!

We hiv a lad that plays for Keith
Demilade Yunus is his name
Plays in defence or midfield
Wints tae star in iviry game

Plays his hert oot iviry week
Fu’ o’ skill an’ mighty power
Tak’s them on an’ gets stuck in
They dinna like it – mak’s them cower

Originates fae Nigeria
He’s affa prood o’ his roots
Bides noo in the city o’ Aiberdeen
Bit it’s at Keith he laces his boots

An important pairt o’ the squad
And a character o’ great renown
Ye can rest assured – 100%
He’ll nivir let you down

He’s one in a million
An’ he fairly stan’s oot
A key figure farivir he plays
O’ that there is nae doot

A cheerier soul ye winna get
He’s always bricht an’ breezy
Tak’s the opposition on for 90 meenits
Almost mak’s it look sae easy

The wye he plays it’s hard tae think
His tender age is only 19 years
An’ he absolutely laps it up
Fin the fans gie him plunty cheers

The Wick captain said “Get oot o’ ma face”
In the midweek game we won 2-0
Dem said “I canna – yer standin’ on ma taes”!
It gave the young lad quite a thrill

Dem’s aim is tae be a Legend
The same Wick player said “ Ye think yer Grealish”
The wye he plays fer sure
Mak’s the opposition sae very squeamish

He cam’ tae the rescue against ‘Varsity
Fancy feetwirk saw him nab the winner
Boy – he didna’ half enjoy it
Micht be young – bit certainly nae beginner

So – wik on wik
As Keith look tae clim’ the table
At the hert o’ it a’
Is bold Dem Yunus – this is nae fable!!