Mike Winton - Mighty Maroon Marauder

“Go on Wintie”! – Wiz the battle cry
Fin the winger wiz in full flight
Faist, powerfae – ivir sae strong
In fu’ flow – a wondrous sight

A local lad fae the toon o’ Keith
Mike wiz a sportsman o’ some renown
Be it Cricket, Golf or Fitba’
He nivir let the side down

At the tender age o’ Aichteen
The Maroons they cam’ a callin’
It wizna lang afore young Mike
Became a star at the footballin’

He flew lik’ a bird
Hiz speed wiz second tae none
Fin he cam’ oot o’ the blocks
Twas lik’ a bullet fae a gun

Early on, his sark said Number Nine
Bit it wiz wi’ the Sivin he made his mark
Scorchin’ up an’ doon the wing
On the hallowed turf o’ Kynoch Park

Bone crushin’ defenders tough tae beat
Against them ye nivir hid time
Bit for them it wiz jist as hard
Fin Wintie wiz flyin’ past them in his prime

Mony a time they were left gaspin’
Efter Mike hid skinned them alive
An’ endin’ wi’ a pinpoint cross
Or a goal wi’ a venomous drive

Three League Cup Finals against Ross County
An’ Mike played a role in each een
Nabbed a great goal in the first – ‘73
Fin Borough Briggs set the scene

The second Final a year efter
The Bold Michael wiz at it again
County were hit for six in the Replay
A Wintie sizzler helped cause them mair pain
Three Titles on the trot wiz next
As the Maroons cwid dee nae wrang
Quite simply a joy tae watch
‘Specially fin the No: 7 wiz on sang

Twa ‘Shire Cups wrappit up his tally
A magnificent Trophy – Don’t you know
Mike wiz at the forefront
He wiz aye on his – marks, get set, go!!

Gweed things come ‘till an eynd
An’ the winger hid tae ca’ it a day
Sivinty Nine goals in Three Hunner an’ Five games

MIKE WINTON – KEITH FC LEGEND – FIT MAIR KIN YE SAY!!

Charlie Simpson