Arise John Curran III - Keith's new Hon. President

Arise – JC III
The news wiz affa vital
KFC – New Honorary President
Michty! - Fit a gran’ title

Aichth o’ Mey wiz the date
Twa Thoosan’ an’ Twinty One the ‘eer
Fin he wiz gien the position
Een he’ll haud affa dear

As a Board we hid a Meetin’
It wiz decided wi’ great precision
Tae gie JC this honour
A maist unanimous decision

Gie’n the Curran history
In fact it wiz nae contest
Bi’ awardin’ this precious title 
Tae ‘een o’ Keith’s a’time best

Granda Jock – JC the First
Made his name across the sea
Tap goalie JC II cam’ tae Kynoch
Settin’ aff Keith’s Curran Dynasty

Then JC III cam’ fae Rothes
An’ if ye kin picter the scene
3 Leagues – 3 League Cups an’ Three Aiberdeenshires
Plus Aichty Sivin goals – ye’ll ken fit I mean

So, that kinna explains fitwye
This honour wiz bestowed on JC
Naebiddy else wiz even mentioned
Fer sure – the richt thing tae dee

A crackin’ Quaich wiz gotten
An’ suitably inscribed as weel
Tae present tae a Super Maroon
Oor John – fairly the real deal

He wiz stunned – an’ silenced at the thocht
That he wiz seen fit for this Award
Ye cwid see bi’ the look on his fizzog
Aye – he wiz surely teen aff his guard

Quickly he gaithered himsel’ aboot
“Boys – I dinna ken fit tae say
Bit – A’hm prood an’ honoured”
It wiz the highlicht o’ wir day

Ye wid hiv thocht he’d jist been knighted
A peer at the “Field o’ Dreams”
Better than onythin’ gien bi’ the Queen
That’s certainly foo it seems

It wiz an efterneen o’ nostalgia
Ye cwid hear JC II say “That’s my boy”
Fae the Great Stadium in the sky
Fu’ o’ sic pride an’ joy

So – anither chapter hiz opened
Ye cwid really see fit it meant
Tae the Legend that’s JC III
KEITH’S NEW HONORARY PRESIDENT
Once a Maroon Always a Maroon

© Charlie Simpson